Hum log be-thikaana thikaaney k bhi na thay,

Hum log be-thikaana thikaaney k bhi na thay, _
Aisay gaye k loat k aaney k bhi na thay, _
Likhey hain zindagi ne jo fehrist-khaas mein, _
Wo naam yaara aakhri khaaney k bhi na thay, _
Ye to tumhain hee da'awa maseehaaie ka raha, _
Warna to meray zakham dikhaaney k bhi na thay, _
Hay jism-o-jaa'n mein aisay saraaieyat kiye huway, _
Hum ishq tujh se jaan chhuur'raaney k bhi na thay, _
Marzi se baantt'tey hain khushi aur dard log, _
Warna ye ikhteyaar zamaaney k bhi na thay, _
Tum se bichhar'r k hum ne nibhaaye jo uumar bhar, _
Wo raabtey to aag lagaaney k bhi na thay.